هاي الرسايل المن الـ نكتبها..؟
هاي الرسايل المن الـ نكتبها..؟
من كونك من ايد (الـ يودي) اتذبها
تخيلنه تقراها وترشها بـ دمعات..
ما ندري للشگ ايدگ تَشرِبها.!
نيت الرسايل چانت بـ لون الشيب
وايدي السوالف بيها (حلقه) تحبها..
ونيتك مثل قوس القزح سبع الوان
كدما تبدل نيتك محدبها..!
ودييتلك ، حد ما عرگ وجه العيب
و جلد الكرامه ، تگشط لـ حد لبها
ومرات ارد مصيوب من الشمات ،!
ما همني ، بس ليش الرساله تسبها.؟
ولـ عيونك انزع حزني ، واكشخ ضحكات
وچلمة اهووو ، وشجابك ، تخربها..
واندب واعاتب يصفه ماي بغربيل
تلوم الرسايل ،؟ جفك الكاتبها ،!
شوداني ، غير الما رضه بقفصه ينام..
والروح تتلگه بـ هلا الـ يچهبها
امشرعه البيبان چن بيت اكرام..،
والضحكه صفره ، وتدري واداعبها
اشحصل الناعور من حَب الگاع.؟
بدموعه يسگي وكلشي ما عاجبها
وهذا التمني وبس طرف واحد ليش..؟
من تالي ، روحي الكحله الـ تعذبها..،
من تالي ، تكسر ظهرك الگذله وعين
من تالي ، تمسح اسمك وتكتبها..
هاي الرسايل ، تكتل الگالوا حيد
والما عشگ من طرف ليجربها..!
سجاد عبدألزهره
رد مع اقتباس
