دلوني ابمدينه اتقدر العشاگ
خاطر من احب انسانه انصفهه
ودلوني ابوطن ما بي مچان اجروح
وطن يفهم العله ووين يندلهه
ودلوني ابجرح ما بيه اثر للخيط
وشوفو اشلون هاي اجروحي اضمدهه
وگلولي المطر ميخوف المبلول
لذلك من اجيكم عيني ابللهه
هلي عوفو التقاليد الخطأ معروف
صغير القوم مو خادمهه فاهمهه
هلي درب الصدگ ميعثر اليمشون
الخطوه البيهه موقف احنه نذكرهه
هلي علموني احب وانحب وارد واشتاگ
هلي علموني احب انسانه ادللهه
لـ عبدالله يوسف
رد مع اقتباس
المشاركة الأصلية كتبت بواسطة عبدالله يوسف الشمري
