الليله بس اوصفها اموع ..
يا گصايب ..يا مراجيح الجذوع
الليله صحيت الطفل بين الضلوع
الليله فراشات حزني انغشن بضي الشموع
الليله بس اوصفها اموع ..
وانه ذايب . وجنت تايب.
ليش لوليتي ابمهد ذكراج شايب..
يا مراجيح الجذوع ..يا گصايب
يا زرازير الجنوب ..
يا سمه اتگطر ترافه ..
يا غصن نعسان ويميل برهافه
الليله دمعات الحنين تضيع بتراب المسافه
الليلة ما موتن حســافه ..
الليله اطالب .. الليله اعاتب
وانتي شلالات ليلي اتبلل اشموع المواكب
يا سمه اتگطر ترافه..
يا گصايب ..
يا زرازير الجنوب..
روحي ﭼـف حنه وهوى الحلوين بوب
ومن شربت الليل كله ..
النجم اصبح عالدروب ..
وانه تالي الليل اذوب..
ضلعي ذايب..وگلبي ذايب
يا نهر مظفور بدموع المراكب ..
يا گصايب ..
يا زرازير الجنوب ..
عامر عاصي
رد مع اقتباس