كبرنا والگلوب اصغار
بعدهه اعله الحبيب
تغار
كبرنا والگلوب اصغار
بعدهه اعله الحبيب
تغار
عريان يگول :
آه يا هواهم بأول أيامه شكثر دللنه
لعبنا اعلى الحبل بس ما گطعناه
ولا سدينا بيبان الميانة
ولا خنّا الوفة والعشگ بعناه
نفسك أنت أنت وانا انا
فتحنا گلوبنا بلا مستحة وخوف
واجو گدامنا الچانوا ورانا
چنا نشوف كلشي وكلشي نقراه
عدنا عيون بس مدري شعمانا
وانة شارد حتة من نفسي
شجاك بكل صفنة لاحگني
تعبت انساك واتذكر
واكبر والحنين اكبر
لا ريح الزعل شگت شراع الروح
شنسالك واگلك روح
مبحر والمسامح بر
هسه بسد خريفك حطبت ذكرآك
خاف إيرد خضآرك وأنتشي بجيته
لا تبعــد ..تعال أگرب
اريدك
موش اريدنهم
هاي الوادم ازمة طين ،وانغث بسوالفهم
اريدنك.
عيش غالي أمحسره الوادم عليك
الرخيص بسوكه محد يشتهيه
واثكل بعين التِحبهّم دمعه صير
صير ماي اليعطش ايمدلك اديه
وظل عزيز بعز هوه ألريّة غريج
الماتلوحه جفوفنه انكمز عليه
كون تحفظ هيبتك خلك وحيد
النسر عايش وحده بس نحجي بيه
الناس متهاب النهر لو صار كيش
البحر حتى الطير فوكه ويختشيه
صير ديرم تلكط بشفت الحجاك
الزرع من يشتاك بالغيمه حجيه
السمه شما يثكل وجها اتحبها كاع
صير عيد بجيتك اتفرح التجيه
ولا تطلعه من الصدر لو رمح جان
رايك وتدري النشد مايشتريه
ولاتسلم ركبتك للماله رأس
الكصته عطشانه شتظن من تنتخيه
عيش وكتك عايشه الشمعه اعله نار
البدوي من يحدي يذب ضيمه بحديه
الناس طين ابالها ايغرز الثكيل
المشيه سفره وينكل بيها الوجيه
الفتح ريته لكل هوه ايعرف النظيف
المانشد فانوس بالظلمه يتيه..
من گد غيرتي مرات انشدك
انـه اغار اعليك منك
وحك الرمى الماي وما شرب قطرة...
احبك مو طمع وياك احبك هيج ع الفطرة