هنا

[فقار الكرخي]

إلى الشامتين بضرب مقرات الحشد الشعبي ( العراقيين تحديدا)
____
من غيمت كلش وإنچفه الليل
وأثر للشمس ماكو بعين باچر
من إنباعت سمانه اعله الغرابيب
وقلوب القوم وصلت للحناجر
وإمتدت رگبنه إعله السچاچين
وصبغنه هدومنه بدم المناحر
من إتعدت الإيد إعله النساوين
وإنسحلن سباية من الظفاير
منو بيكم وگف دگ صدره للموت
وحمل روحه إعله چفه بهالمخاطر؟
ومنو بيكم ترك عايلته عالگاع
ومن ضلوعه سوه الكم گناطر
ش (حدا مما بدا) ياجيفة القوم
انگلبتوا بهالوقت كلكم خناجر
شماتتكم رخيصة اتزكم الإنوف
وسواد گلوبكم يعمي النواظر
عاد انتظروا خلوا إصورهم تطيح
شوي ينشف الدم العسواتر
نظل ببيوتنه من يجبل العيد
ومانلزم سره إبوب المگابر
يولد البايهة العيشتها عالليل
الخفيفة العايقة المومس العاهر
اليصفگ للغريب وبيته مفتوح
ابد ماجابته بطون البواكر
شنو عيشة الزلمة وعينه بالگاع
اليغمض من يمر طاري البواتر
اليعيش فراش يخلص عمره مسحوگ
ال إغطه يعيش ينحط عالمناخر
طبيعي وموغريبة نشوفكم هيچ
وندري شتحوي صفحات الدفاتر
فرق بين اليصير الجام للخيل
وبين الرضه بحذوات الحوافر







د. فلاح الزيدي

[أستثنـآئيـّةة❤️]

[حہيہدر الہبغہداديہ]

شكرا للانتقاء الجميل

[الرميثي]

تسلم عزيزي فقار على الاختيار الجميل