ﺍﺭﺩ ﺍﻣﻮﺗﻦ ﻣﻦ ﺻﺪﮒ ...
ﺑﻠﻜﺖ ﺍﻟﻠﻪ ...
ﻭﻃﻴﻒ ﺍﺻﻴﺮ ﺑﻌﻴﻦ ﻋﺮﻳﺲ ﺍﺭﺩ ﺍﻣﻮﺗﻦ ﻣﻦ ﺻﺪﮒ ...
ﻧﻀﺮﻩ ﻣﺎﻟﻴﻪ ﻋﻠﻰ ﻭﭼﻬﻚ ﻟﻴﺶ ﺍﻋﺪ ﺍﻳﺎﻡ ﻣﻦ ﺷﻬﺮ ﺍﻟﻌﺸﮓ ..
ﻣﻐﺎﺯﻝ ﺍﻟﺤﻄﺎﺏ ﺫﺍﺑﺤﻨﻲ ﺩﺧﻴﻠﻚ
ﺧﻔﺖ ﻻﻳﻜﺮﻫﻨﻲ ﻃﻴﺮ ..
ﺑﻜﻠﺸﻲ ﺭﺍﺿﻲ ﻣﮕﺎﻭﺩ ﺻﻮﺭﻙ ﻳﻞ ﻣﮕﺎﻭﺩ ﺍﻟﻐﻴﺮ ..
ﻭﻻﺗﻠﻮﻡ ....
ﻭﺩﺍﻋﻚ ﺑﺎﺧﺮ ﻣﺤﻄﻪ ﻫﻮﺍﻱ ﺍﺧﺬ ﻣﻦ ﻋﻨﺪﻱ ﺣﻴﻞ ..
ﻣﻌﺎﺗﺐ ﺍﻟﻌﺸﺎﮒ ﻫﻴﻞ
ﺍﻓﺮﺡ ﺷﺒﻴﺪﻱ ﻭﻳﺮﺟﻌﻚ ﻳﺎﺑﺨﺖ
ﺷﻤﺲ ﺭﺑﻚ ﺣﺎﺭﻩ ﻭﺑﺎﻟﺸﻮﮒ ﻣﺎﻣﺮﻩ ﺩﻓﺖ
ﺷﻤﺎ ﺍﺷﻮﻓﻚ ﻋﻴﻦ ﻭﺭﺩﻩ ﺗﺒﺎﻭﻉ ﻟﻐﻴﻤﻪ ﺟﺰﺕ
ﻭﺻﻲ ﺑﻴﻪ ﺍﻟﺮﻳﺢ ﺗﺎﺧﺬﻧﻲ ﻋﻠﻰ ﻋﺮﻓﻚ
ﻧﺴﻤﻪ ﻭﭼﻔﻮﻑ ﻋﻠﻰ ﺣﻨﻪ ...
ﺍﻟﻀﻜﻮ ﺑﺪﻭﺭﺓ ﺳﻨﻪ ﻓﺮﺍﮔﻚ ﺣﺮﺍﻡ
ﻭﺑﻴﺪﻱ .... ﻣﻮ ﺑﻴﺪﻱ ﺍﻟﻀﺤﻚ ﻣﻮ ﻣﺎﻝ ﺍﻫﻠﻨﻪ
ﻧﻴﺖ ﺍﻟﺪﺧﺎﻥ ﻓﺰﻋﻪ ﺍﺗﺤﺸﻢ ﺍﻟﻨﺸﻤﻲ ﻋﻠﻰ ﻧﺎﺭ
ﻭﺑﻮﮔﺖ ﺍﻟﻨﺠﻤﺎﺕ ﺗﻄﻠﻊ ﻣﻦ ﻳﻤﺪ ﺭﻭﺣﻪ ﺍﻟﻨﻬﺎﺭ
ﻭﺻﺪﮒ ﻟﻴﺶ ﺍﻫﻮﺍﻱ ﺍﺷﻮﻓﻦ ﻭﭼﻬﻚ ﺑﻠﻌﺐ ﺍﻟﺼﻐﺎﺭ ..
ﻭﻻﺗﻠﻮﻡ ....
ﻣﻨﻴﻨﻠﻲ ﺍﻟﻮﺍﻫﺲ ﻭﺍﺟﻴﻚ ...؟
ﻣﻨﻴﻨﻠﻲ ﺍﻟﻮﺍﻫﺲ ﻣﺸﺖ ﺑﻴﻪ ﺍﻟﺴﻨﻴﻦ ﺑﻼﻳﻪ ﻋﺮﻓﻪ ...
ﻭﻳﻦ ﺍﺑﺎﻭﻉ ....
ﻓﺎﺗﺤﻪ ﺑﺮﻭﺣﻲ ﻭﺗﺪﻭﺭ ﺑﺮﺍﺳﻲ ﺯﻓﻪ
ﻭﻻﻫﻲ ﺗﺮﭼﻴﻪ ﻓﻘﻴﺮﻩ ﻭﺑﺎﻟﻌﻤﺮ ﺗﻨﺸﺎﻑ ﺻﺪﻓﻪ
ﻭﻻﻫﻲ ﺻﺤﻮﺓ ﻣﻮﺕ ﻭﺗﻔﻜﻨﻲ ﻭﺗﻔﺾ
ﻭﻻﻧﻪ ﻛﺎﻓﻲ ﺍﻟﻨﺎﺭ ﺷﺮﻱ ﻭﮔﺎﻳﻢ ﻣﺼﻠﻲ ﻓﺮﺽ
ﺷﻤﺎ ﺍﻃﺐ ﺣﺎﻳﻮﺯ ﺑﻴﻦ ﻫﻤﻮﻡ ﻟﻴﻠﻲ
ﺗﺮﺩﻧﻲ ﻓﺸﻠﻪ
ﻣﻦ ﺍﻟﮕﻪ ﺑﻴﻬﺎ ﺍﻟﺴﺎﻟﻔﻪ ﻃﻼﺑﻪ ﻋﺮﺽ
ﻭﺣﻴﻞ ﺣﻠﻮﻩ
ﻣﻦ ﺍﺗﺮﺱ ﺍﻟﺪﻧﻴﺎ ﻧﺸﺪ ﻣﺎﺍﻟﮕﻪ ﻳﻮﺳﻒ
ﺣﻴﻞ ﺣﻠﻮﻩ
ﻭﺣﻴﻞ ﺣﻠﻮﻩ ﻓﺮﺍﮔﻚ ﺍﻟﻤﺎﻳﺮﺿﻪ ﻳﺨﻠﺺ
ﺭﺍﺡ ﺍﻣﻮﺕ ﻭﻳﻤﺸﻲ ﺗﻮﻩ
ﺷﺠﺎﺑﻨﻲ ﺍﻟﺴﭽﺖ ﻭﻧﻴﻦ ﺍﻟﺘﺎﻳﻬﻴﻦ
ﻭﺟﺪﻣﻲ ﻳﻨﮕﻂ ﻭﺍﻫﻠﻴﻪ
ﺷﻮﺍﺯﻩ ﺳﺮﻱ ﻭﺃﻣﻨﺎﻟﻪ ﺍﺑﻴﺮ ﺯﻟﻤﻪ
ﻭﻃﻮﻟﻪ ﻳﺘﮕﻠﺐ ﺑﻨﻴﻪ
ﺷﻤﺎ ﺣﻈﻴﺖ ﺍﺑﮕﺎﻉ ﻛﻠﻬﻪ
ﺗﺼﻴﺮ ﻣﻼﭼﻪ ﻭﻓﻠﺢ
ﻭﻳﻤﺘﻪ ﻣﺎﺣﺼﻠﻲ ﻇﺤﻜﻪ
ﻳﻌﺎﻣﻞ ﺑﻨﺺ ﻇﻬﺮﻱ ﺧﻨﺠﺮ
ﺑﻴﺶ ﻳﻨﺒﺎﻉ ﺍﻟﺠﺮﺡ
ﺍﻟﺴﻜﺘﻪ ﻧﻌﻤﻪ
ﻭﻫﻴﺐ ﺍﻟﻌﻨﮕﻮﺩ ﺑﺎﻟﺴﻠﻪ ﺗﻄﻴﺢ
ﻭﺗﺪﺭﻱ ﺑﻴﻪ ﺍﺧﻼﻑ ﺯﻟﻔﻚ
ﻋﺪﻝ ﺑﺲ ﺩﻓﻨﻮﻧﻲ ﺣﮕﻬﻢ
ﺍﺍﺍﺍﺍﺍﺍﺍﺍﺥ ﻣﺎﺑﻴﻪ ﺍﺻﻴﺢ
حسين الحبتري
رد مع اقتباس
