هنا

[فقار الكرخي]

مرني يل ريتك تمرني
بكثر ما همك يمر
اصبرت حتى الصبر ملني
وروحي ذوبها الصبر

ما نسيتك واحلف انسى
ولني اريد انسى العمر
وها معزك وانت جاسي
وها حلاتك وانت مر

سايسيتك ، دليليتك
و اتقبلتلك كل عذر
وروحي بيدك سلمتها
وگمت ارخي شما تجر

بليلك امست شمس عمري
ولا بعد ليلك فجر
يل هويتك من جهلنه
وهمت بيك امن الزغر

وبمراجيح المحبه
العبت وياك شكثر
گلي وياي الك غايه
تريد تگضيلك وطر

لو تريد تحطني معبر
للذي يريد ايعبر
لو تصير الموت احبك
وابگه احبك بالگبر


وانت انت شما اوافي
طبعك وياي الغدر








كاظم خبط ...

[ڪُحلــَـْہ‌‍]

جميل

تسلم فقار

[أستثنـآئيـّةة❤️]

تسسلم فقار

[سمراء من قوم عيسى]

عاشت ايدك

[فقار الكرخي]

منورين