أظل وحدي وانادي ابعالي صوتي الليل
اشماله اليشوفك يبجي دمعاته
مو بس دمعي آنه وهم بعد مخنوق
حتّى النوم عفته الحلوة لذّاته
ذبلت عيني يالبيه الحزن مكشوف
بس انته ابسوادك تلقى جلماته
رافقتك عمر،والهسّه ماخليك
ان قلبي اعلى شوفك تدري صفناته
ضايق صدري مو قلبي الفقط ويّاك
وبكل ساعة تسمع بيهَ دقّاته
وحداني وعليه الدنيا شلت اهموم
عشت اسنين عمري ابخدي حسراته
صابت روحي عقدة اكتئاب اوياك
انزف يومي كله المرّه لحظاته
كل هذا وابشّر نفسي راح اتهون
مع الأيام انسى اشكثر لجماته
كتاباتي...
رد مع اقتباس
المشاركة الأصلية كتبت بواسطة sawsanmahmoud
