على قلبي رِسَمتك يا عديل الروح
و نبضاتي تِظَل تحجي ابحروف اسمك
ولو غيرك حبيبي في النبض مشروك
اوقفنَّة النبض لن ما حفظ رسمك
ادخلك بالشهيق الصدري المفتوح
عرش بلقيس الفرشته ادخل ابجدمك
أغار اعليك آني امن الشمس يهواي
لأن تبصر جمالك بالضوا اتضمَّك
و من زهر الربيع و عطره الفوَّاح
و لكن ما أظن هذا الزهر شمَّك
اذا تفتح جروحي آني خاف اهواي
لأن مو دمي بيها ، بيها بس دمَّك
أسافر بالخيال العالم العشاق
وطوفن كل قصص رادت تمر يمَّك
فلا قيس المُلَوَّح يمطرك بورود
ولا العنتر قلب يستاهل ايلمَّك
يا أطهر حلم شفتة اعلة ضيِّ انهار
و يا بسمة براءة راسم ابحلمك
أشوفك بالقمر من يرتفع بالليل
و من يرسل شعاعة عاكس الجسمك
جفوفي اشما أباوع أذكر اللحظات
إذا ابجفك تحزمت يا بعد أمَّك
أعوفك لا صدق هذا الامر محذور
ومن قال اليعيشك راضي ابعدمك
كتاباتي...
رد مع اقتباس
المشاركة الأصلية كتبت بواسطة انثى مخمليةة
