گتله شلونه وضعك ؟
دمعت عينه !
بچة وگال اليفگدك
الله الي يعينه !
گتله الله يسلمك عوفنا من الراح ،
حطب صارت الشجرة البيها اسامينا
گتله شلونه وضعك ؟
دمعت عينه !
بچة وگال اليفگدك
الله الي يعينه !
گتله الله يسلمك عوفنا من الراح ،
حطب صارت الشجرة البيها اسامينا
واكلك : اي يحاديني
حلاة الموت لومات الرجل وكفه
مثل موتت الشوف ابعين غفله ولاضوه اليلمض
مثل موتت اكلوب ابساع
سكته ولانفس ينبض
مثل موت النخل بالكاع..
وكفه ولاعرج يغمض
ولاموت التموته الناس
أموت أوياك عكب الموت ليليه
وأصيرن بالنعش جناز.. وأمشي اوي الحدو بيه
لوين؟ لياجرف؟ ياكاع؟
كلمن شاف تاليه..
مـذبــوح
وأجيـت أتنفس بصبـحـك
أي يالمـنتصر
عالسيف اليذبـحك
حزنك
يوجعك ما يوجعك جرحك .
يحسين لو ما إنت چا مات الحب..
ربك يحبك من قبل مدري شگد؟!
إنطاك وردة وگلك إنت المحبوب..
وإنطيته طف وگتله ها سد بسد؟!
لا تگلـي ويـاڪ جايـبلي الربيـع
وانتـه بيـدڪ ذبـلت عشرينـي
وهسـه محبـس بيـدڪ اتگـلي اصيـر
ويـن الـبسه من اگطـعت جفينـي
العشگ مو عـيب صيتة ولا حرام
بس كون التـــــحبة بحب محدد
وأذا حبـــــيت عوف القال والقيل
وضل أمشي بقناعة وأمشي بألجد
صبرتها اوكابرت عالظيم
والكابر يظل بسكوت ینهت
طاحت اوفوك الفشل بمصابها الشامت تشمت
اخ ياروحي الكبل جانت عزيزة شلون ذلت
_
رسايلكم تدگ بالبال
ذكرى وما تريد تموت
رسايلكم سهم يشبهكم بكل ليل
بين ضلوع صدري يفوت
ما تسكت سوالفها
رسايلكم
ورق بيّ صوت ..
إجت مچويه من شمات..؟؟
الجگاره تريد فيه تلوذ..
وبشفافي لگت فيه..
وگمت اشتاگ للدخان..
وشفت شفتي التفوّح هيل..
خذاهه التتن فصليه..!!
وشفت الحسره تمشي وياي
حسرة عاجر امن اتشوف..
اوليد ايلاعب ابنيه..
عكب عش الحمامه والعصافير
لفاني غراب شد جنحي اعله جنحه
انا البضلوعي دكيت البسامير
لخنجر ماحسبت احساب ذبحه