يالمغمس بماي الروح،
زحمة رويحتي تخونك
يل چنك زلال الماي،
اريد ابني يجي بلونك.
يالمغمس بماي الروح،
زحمة رويحتي تخونك
يل چنك زلال الماي،
اريد ابني يجي بلونك.
فطن وانسب الدمعه الطاحت لياعين
بس يمك احير وبالهلا اتلعثم
واطب ريشه عله بيت النار
اطلع مثل ماطبيت مامجيوس
واحط روحي نذر بين الجذع والفوس واتأقلم
واسلم لو نمت جمره عله زند الماي
وبقت سالفتي من طاريك ماتسلم
_محمد وجيه
خاويت الصگط والعفن والممروض ..
وخاويت الودر والزفر واللفاح ,,
ومن دارت الدنيا وزار بيـك الحآل
غطوا روسهم
والدآح منهم داح
الك بالگلب نابت مو عشك عشره
عشك ..اه
عشك ..ونه.
وعشك..نار
وعشك ..جنه
وعشك ..حبك فلا منه
وعشك..بعدك
وعشك..صدگك
وعشك ..مشتاگ اسولف واستمع ردك
وعشك..كاتلني كلش صار هواي ماشفتك
وعشك باليل يذبحني اريد اشتم عطر خدك
بس انت بعيد اشلون اشمنك.
والله وسفه گبالك وعينك جزتنه
شمالنه وتالي العشگ گمت وبعتنه
عفية گلبك
لا خفگ لا رف محنه
وعفية انا وعفية گلبي شكثر متنه
حِزني يجيسني ويه الليل
حزني بعيد ، غاد من الگلب حزني
أبعد من مكاتيبك
وانت هناك ، غاد من الشِعر مكتوب
القصيدة تجيب كل شي بعيد ....
بس ما تگدر تجيبك
المصيبه شما گبرت..... ملامح وجهك يخبلن
ثلاثينك يخدرن گاع..... چا عشرينك اشسون
والله فراگكم موضوع
مشتاگين
ماجنكم بشر جنكم هوى ومگطوع
يكون فراگم عطلة ويخلص لو بده الاسبوع
للمك والتم انه وياك
والتف بيك واطبگ
واشوفك شوفة القداح
لمه من يريد ايطيح
والتف لف جگاره عليك واشبگ
لـ محسن الخياط
اتسوي روحك جاي تنسه
وما تجيهم..؟
ومن بعيد اهواي تنشد
يمته ناموا..؟
يمته فزوا...؟
و القميص اللايگ اعليهم تبدل..؟
بعده نفسه..؟
اتسوي روحك تچذب وگلك صدگ
غطي گلبك ذاااك هوه امبين بگلبك عشگ