عرفتلها و كمت ما زاعل اليرحون
و لا عالباب اضل متاني ليلية
لـ ايهاب المالكي
عرفتلها و كمت ما زاعل اليرحون
و لا عالباب اضل متاني ليلية
لـ ايهاب المالكي
چا والأعزاز العفتها
چا والسنين الجزتني وماشفتها
وضحكتك گلولي بيش وما بعتها
ذنّي بيش
چا والمدخنات ضلعي
چا واليحبك يَگطعي
والبرد
وال آاخ منك
والصور طفحت بدمعي
ذنّي بيش
چا والشموس الچوتني
چا والحلوگ الحچتني
ذني بيش
الشيب يمته يسولفك والعمر فاتك
كبال المرايه شكثر ضاعت حلاتك
شكثر دلّوك وتهت يم امنياتك
تلمست الجرح بلّيل
وليمْ الضوه إدّنيت
ردت أعرف نتل لو شگ
سمعت الروح ونت بي
كاغد منتهي ملزّگ
وياهو يصرف الملزّگ
شلون أطلعك من صفنتي
وأنته بيّه حروف ملظومه قصيده
الّا تگطع خيط روحي
وأدري ما ينطيك گلبك
ما تسوّيها .. بعيده
چنت أظنك!!
تـوگف بوجه الوكت؟؟
وأتنشف الدمعة أبجفنهه
و چـنت أظنك بالمحبة!!
الفاگدة و حنت لأبنهه
..
مابية حيل امشي شِبر
بس بية حيل أعبر ولاية لخاطرك
بعد وين اوصل وابطل ... طيبتي
توني
ماخذ
صوره
وي صاحب عزيز
وهو قبل الصورة ماخذ ... غيبتي
شفتك من خذانه الليل
ضمّيت الگمر
مابين صدرك واستحه النفنوف
لا تشتاگلي من بعيد
بس حط روحك بروحي
اذا ماجيبلك حتّه الصبح زافوف
الحلقة أذا ماصارت بأيد الحبيب
تصير طلقة وصوتها الهلهوله
والبنية الما تحصل ع النصيب
تعيش والعباس جن مكتوله