اذا درب الفرح
عالروح مگطوع
امنين
تفوت للشفه ابتسامة.
اذا درب الفرح
عالروح مگطوع
امنين
تفوت للشفه ابتسامة.
لمن مااصدك من تسولف بيك
مو بغضن كلامك مااصدكنه
ولابس ثق اميز الزين من الشين
الهوى امن ايمر علي يالون اعرفنه
مـا بـيه مـرض
بـس فاهـي مـن طـرواك
ومـشه بـ عيـني الغـواش ومـا عرفـت احـد
ويـمر اسمـك وأحـس
حـرورتك بـالـراس
واذب روحـي بنهـر يوميـن مـا أبـرد
والـشوك لو يـنضم بــ الترآب
چـآ طشـرتهـآ آيـام الاعـتآب
هو الـسجـن بـ الليل مو بآب
تـذكرهم وتعــثر بــ الغيــآب !!
من اموت برودتك خليها ع التابوت
وبيدك كون نعش اجنازتي اطبكه
وخليلي دمعتك ع الكبر نيشان
خاف بجفن كبري دموع ما تلگه
وخاف يمر وكت وتزورني من بعيد
تدليك بمكاني حرورة الشهكه
- علي رشم
لاتواعدني اعله باجر
النهر لو فاض شوگه يغازل خدود الگناطر
تايهين
وسومر الشوف بدربنه
ابهيده تمشي ادموعنه وتخدر ونين
تايهين
ومدري وين ارواحنه وياشط خذاها
لو عتكنه انضل رسايل تعتگ اشما جف قراها
واحنه فقره
ابچلمه نتشيم كناطر لو تنختنه الجدام
والله مانعرف غريب
احنه عدنه الشجره ديره الكل گلب شايل حمام..
- كاظم الركابي
بقت شوفةً صورهم
تنگضي بـ همه ،
معارك چفي والثاني
كلمن رادهن يمه ،
وفرحان الدمع ينزل
(احس الدنيا متلمه )
ليش تبخل بالضوه وبيدك گمر
وليش تاخذ حلم روحي
تعانده وتمطر سهر
وليش تلمع بس سراب
وتدفن بعينك نهر
وشاوريتك
جيبلي صوغه ضحكتك
ليش اجيت وجايب الصوغه قهر
ردت اشگـگها الـرسايل بس دريت
مرة گتلي بوحده منهن آنه أحبك
نامن بحضني وبچيت