ابوذيات زنبقة الغرام...بقلمي
معذبني واموتن بي الاشكراني...
يكابر حبيبي ويكلي حلوو واشكر اني...
لله من اشوفن ضحكته اشكر اني...
فوك الجمال البي يدلل عليه ...
%~%~%~%~%~%
مو نبض انت بجسمي ولك روح
الك العيون والنفس والك روح
تجرحني من تكلي عني ولك روح
اموتن بيك بس لا تزعل عليه
%~%~%~%~%~%
حبك ما ينكتب عنه ابملازم...
اجي لبيته ويكلي الجيه ملازم...
اكله عوف ايدي يكلي ملازم...
فوك المحبة اتوكح عليه...
%~%~%~%~%~%
مختنك انه هواي وحيل مالوم...
حبيبي تجي تروح ابد مالوم...
من اسمع بيك كلبي يصير مالوم...
احس الكاع والسمه انطبكن عليه....
%~%~%~%~%~%
حبيب الكلب لجروحي مرهم...
مسجل الك ولغيرك ابد مرهم...
عمري بدونك حزن وملل ومر هم...
يبعد النفس والعين لا تبعد عليه...
%~%~%~%~%~%
العشك جتال حبيبي وانت داري....
هاك الكلب اخذة يمك وانت داري....
انت عمري وحياتي وانت داري...
واحبك حيل يالترهم عليه....
~%~%~%~%~%
بقلمي ...
زنبقة الغرام
رد مع اقتباس
المشاركة الأصلية كتبت بواسطة رئاب
