هنا

[فقار الكرخي]

كل عام وسمارج تارس عيوني
وضحكتج باقية بعين امي هلهولة

يوجه العيد فتحيلي اعلة كَدج باب
بوجهي شكد شفت بيبان مقفولة
وحك مصباحج اليترس ارموشي احلام
وحك كل رغبة من الخوف مكتولة

كبلج ما دريت العرس بابة منين
ولا ادري النهار منين يمشولة

كبل جانت حسرتي مكابلة الشباج
مدري شتنتظر وبيش مشغولة

وسمارج فززاها واختفى الدخان
ورجع كلبي يدك بين اليفرحولة

اني وياج مو للزعل مخلوقين
غزل بينا يكفي المشرق بطولة

عفة حبنة ما يغويها طاري ابليس
شكد بينا غزل بس نستحي نكولة

تمر بينا مشاكل ما تفضها شيوخ
وبس نشتاك شو نلكاها محلولة

اريد الكالي كلمة تلوكلي من اشتاك
احبج واحشتني هواي مكيولة

على شفايفنا رغبة اتلوك للعرسان
ضميناها كوة بروح مشلولة

باجر من ازفج بيها لذة تصير
وحلال الله شحلاتة يصير محصولة






م

[نـايـا]

حلو

شكرا فقار

[ليليث ']

حلوو
يسلموو فقار