هنا

[فقار الكرخي]

السوالف بالأصل بردانه حيل
بحلگك تصير السوالف دافيه

يلي وجناتك شمس والدمعه غيم
خاف افزن الگه شمسك طافيه

ارد الاگيك الصبح متعافي كون
حتى اگلك ياصباح العافيه

كوم طلع ضحكتك من السنون
وعلى شفافك خلها تركض حافيه

صار كوم سنين ماشمت ورود
عمر خلص بالمشانق غافيه

عندي كومه اسئله ومنك اريد
اليوم تنطيني الأجابه الشافيه

الشموع تفز اذا صار الظلام
شمعنه بس انت شمعتك خافيه

وانت اذا صوتك زقازق عندليب
شلون تعزف للگلوب الجافيه

لاتسولف عالشجر عن النسيم
ذوله اذنهم للشعر مو كافيه

ذوله اصلاَ مايفهمون الكلام
الصوره عدهم للأسف مو صافيه

من خيالك شيلهم والذكريات
عالورق بس خلي لا النافيه

الحجاره التنشمر بالمي تضيع
وعالنهر تبقه الزنابق طاغيه






لــ ميثم الرماحي

[صفاء العامري]

شكرا فقار