اندل بابكم بس والدچ مختل
تتذكرين ؟
من گتلج احبچ
گلتي ابوي يگول ( فقرة واحنه مانقبل )
ذيچ الساعة لو ميت هواي أفضل
اندل بابكم بس والدچ مختل
تتذكرين ؟
من گتلج احبچ
گلتي ابوي يگول ( فقرة واحنه مانقبل )
ذيچ الساعة لو ميت هواي أفضل
الدنيا بيه هواي دارت
راوتني كلشي وبيه حارت
وايامي مدري شلون صارت
بكل خيلها اعله ضلوعي غارت
لكن بقيت وما درت بال
لكل مهرة كلبي يلوك خيال
واكف تجيه لكل ظهر مال
وشايل وي الوياي ما شال
وانه شبدر من عندي تقصير
صورة وثكل وجه البسامير
تكضي وسوالف باجر تصير
وارجع وابري الذيب والبير
وارجع ولاية وبابي مفتوح
وعطر الهلا من ثيابها يفوح
شنوني بس ضليت مملوح
وجفوفي من عثك السما تلوح
الوكت يضربني واضربه
شد رايته وشبعني غربه
اعطش والم وجهي واشربه
ما نزل راسي لغير تربه
الجذب سيد والوفه انعاب
عجه الوكت والمستحه اتراب
ياروحي ما رهمولج احباب
حنة نذر بس مالكت باب
ناري تـوّج ، واشتعل
واضويلك بكل درب
وانچوي ، خيمـه بشمس
كل هذا مَـ ( ينبهـك ) !
و ادريك گصبـه بـنهر
مـا ينـعـرف وجـهك
اي روح ، بس ، انتظر
عـلـمني اضم الـدمع
گـدام الـ يـشبهك.
چا هلبت رسايلكم تمر بينه
گعدنه اعله الدروب
هواي مامش ساعي
مر لينه..."
وأنا!شبيدي اذا ماكو ليشبهوك
هلـه بـل دونـه ماجـر نفـس وشـتـم
هله بل موش داري اشخلص وشـتـم
هلـه وخفـت اذكـر امجافـاه وشـتـم
هلـه وخافـن هلـه يشـورون بيـه
حتى ال شلونك تغثني
وجلمة انة بخير جذبه
احجيها لأكن ماتمرني
كالو اضحك كلت باجر
من يكف العوز مني
حظي لو وياي يكعد
جا كظيت الليل اغني
يالبعتو ابنكم للغرب
وعيوني موته النحب
شنو الحصل شنهو الذنب
رايد اعرف اسوايتي
عمر ماكدرتلك بال
واگفلك كرم خيال
املك ..
بس هلا
وفايض بحضنك هاك
حسبالي ..
فوانيسك مثل گلبي
تزت الگمره للشباج
چا غــير أحــبك هالڪـثر
والهل ڪـثر مدري شكثر