هنا

[فقار الكرخي]

يبو الشيبة الكريمة الما أظن تخضع
يشايل ضيمها من المصب للمنبع
گلبك گلب ابو ما نبض بس بالخير
وما يحمل ضغينة وللوفه امشرع
احبنك لأن بحماك صار الدين
والتيه طريقه السچتك يرجع
اشوفنك إمام الگل شخص مظلوم
واحبنك لانك للوطن مرجع
يل زاهد بدنيا يعيش بيها الذيب
راعي وغنم غيره تموت من تهجع
حتى المايحبك هم يحبك گام
لان شاف بعباتك شعب يتجمع
بيتك مو الك رغم انت رب البيت
تنطي الغير ثوب وثوبك مرگع
إمام إنت (إن قمت بالفتوى او قعديت)
يا وراث حسن وحسين والأنزع






م

[أستثنـآئيـّةة❤️]

عاشت ايدك

[فضاء.]

الله الله
يستاهل سيدنا ربي يحفظه ويديمه النه ...كل الشكر لحضرتك