هنا

[فقار الكرخي]

مرَّةً أخرى …
نصٌّ على لسان ( صفاء السراي )

( وصيّة )


أريد أشرب شكو إنسان إعله وجه الگاع

وأريد أنزف مثل دمعة إعله چف اوداع
وأريد إولايتي تحبني مثل ما أحب جدايلها

وأريد الدنيا ترسمني إبهلاهلها

أريد بنيّة تاخذني لشواطي الليل وأسألها

يبنيّة ، الوطن چلمات لو تربة ؟

يبنيّة العشگ مريود لو غربة ؟

وأريد إتلمني بالگذلة

وأرد مثل الصدگ دهلة

وأسافر والقصايد للغريب إشراع

وأرد وأشتم شكو منديل ظل عالگاع

شكو نثية خنگها العيب والوهواس

شكو خمرة نساها الكاس

شكو شجرة ابحنان الأم بچت عالفاس

هذا آنه إذا غنيت أحب الناس والمو ناس !

أحب إبليس والرحمن

أحب الشعب والسلطان

أحب السجن والسجان

أحب التَرَف والحرمان

أحب العطش والنهران

أحب البار والديوان

أحب الكاس والفنجان

أحب كل شي اعله ظهر الگاع بيه وجهين ، بس كون القصيدة تعاند النسيان

بس كون الگمر يكسر غرور الليل ، و طيور الحقيقة تواكح الغربان

إذا ذبحوا الشاعر تختفي الألوان ...








عبد الوهاب الحمداني

[أستثنـآئيـّةة❤️]

روعه