هنا

[فقار الكرخي]

اذكــــــرك

اذكـــــــرك وين ماصحلي مكان ابجي ..

اذكــــــــرك والدمع يحجي ..

واســــــد عيني ويجي طيفك يكلي امشي ..

واكــــــــودك طيف
بـس ياطيف تنهد من افك رمشي ..

تــــــنهـد ورد شمعه اباب ..

ويمــــر الهوه يطفيني وبين حاب ..

الــــــهوه المابي عطر منك عليمن هاب ..

كـــــل هذا الهوه جذاب ..

يـــموتني اوتجي عيونك
بـــهاي اللحظه شتكلي بعد ماترهم شلونك
اريــــــد ارتاح خليني على متونك

واخــذني بعيد واحفرلي كبر بيدك ..

ونزلني برهاوة ماي واسكي ترابي من جيدك ..

يبعد اللجمه التريدك ..

مو كتلك كبل لتروح بس عيوني التفيدك ..

الخذوك هلالهم عاشور مو مثلي جنت عيدك ..

جنت بالظلمه اضويلك
جنت ما ابجي وابجيلك
جنت تحزن واغنيلك

تسافر واني اكلك جاي ..
ليش ويه العطش تجمد واذا حضنك تصير الماي ..
اجرحني واكلك زيد كونك بالجرح وياي ..

يا اول غنه العيني ..

اذا مابيهن عيونك عليش اكظيهن سنيني ..

وعليش مكابل صورك وانه اعرف ماتحاجيني ..

دز مكتوبك ويه الريح مكتوبك ينسيني ..

ظــــرف فارغ بلا عنوان ..

بــــــــــــــــــــــلا اسمك
بـــــــــــــــــــــلا رسمك
اشــمه ويفز بيه انسان

وازت الظلمه مدري الوين واكتب جاي ع البيبان ..

انه عكبك نبع عطشان !!

مو صوره الك بالبيت رسمتك بيدي ع الحيطان ..







حيدر الطفيلي

[Ouija ']

"


الله
تـسلمہ فقـــار


"

[أستثنـآئيـّةة❤️]

عاشت ايدك