وطفة الشارع ضواه ،
ونعست كل الدروب
وروحي ع المامش تلوب .
وانه اذوب
يا بحر ،
يا ليل ،
يمعود ،
روحي بالظلمة تذوب
والخطاوي متيهة دمي
والعيون تبوك حلمي
والازقة الغافية ، وكل الدروب
يا فوانيس المحلة اشتعلي مني
هاچ دمي
هاچ دمعي
هاچ كل هذا الحنين
اشتعلي مني ، روحي بالظلمة تذوب
يا بريد ، الليل ما يرهم رسالة
خاطر گليبي يتوب
وانه ع المامش الوب
صفاء السراي
هاك أخذ مني وفه تستاهله عيونك
وأمن بحضني
ابو من واجبه يصونك
لـ مصطفى علوان
هذول احنه..گطن!
وانتم حجيكم نار يحرگنه
يا نخل يا عاگر احبل..
وضوگ طعم الفاگدة بموتت فسيله
كاظم اسماعيل الگاطع
مـا إجّت بالريش،
إجّت بـ ضلوعي!
مالي قسمه بكلشي
چا ظلت عليك
لگيتك عايش لغيري وأثاريني ولالي شوية بعيونك.
-صادق
مثل خيط البرسيم بيه طبعين !!
ترف من الزم من انسحب موس
وأنه گلبي أرماد طشَّرتة بجفاك
شرد ألمة ؟ ، مسودن وهَبْ الهوه ..!
لا وفي يبقى وفي
كلها فتره وتختفي
ماكو شي ينفرح بيه
وبيك محد يكتفي
