حجرني الصبر لا سمح لا مغتاظ
حالي الحالتي لا وادد ولا ضد
لا ملگة اليدب بالروح دفگة روح
ولا عصرة حزن للراد عني يصد
حجرني الصبر لا سمح لا مغتاظ
حالي الحالتي لا وادد ولا ضد
لا ملگة اليدب بالروح دفگة روح
ولا عصرة حزن للراد عني يصد
يـآ أبعد حلم .. لـ شوكت أتانيك ؟
تذكرها آخر شوفه ألك ..
من گتلك شمالك علي؟
ماجاوبت ، چنّك ولا سامعني
من عدها فزّ گلبي ، و خفت
سديت عيني ، و فتّحت ، نفس الوجه
وجهك وجه بايعني
والله وكت
أندارلك من كل درب وعيونك أتضيّعني .
صبآحي ألـ مآ يجي بصوتك ،
أحسّ بيه خنكة ألمُغرب
شفت هواي ناس
وما لگيت الناس
تردّ وياي ؟
تعبتْ ..
الجفن واحد والأحلام هواي
والفرح طرّ المدينة
وانطى للناس التريده
دگدگ البيبان كلها
ومن وصلنه انشلت إيده
آخ يا حِزنك يَ گلبي
جمرة مضمومة بجريدة
ذكرتك...
والغروب بكل مچان التم
وضحكتك ماشيه ومحترگه ويه الدم !
عطشتك...
يا عطش يا بعد طول الماي
يم طولك تفشل سالفه زمزم !!
چي عندي عزة نفس ما چلبت بيها
انه استحيت ومتت ما چنت ناويها
ماكو راحــه
عركـه الدنيا علينـه
ومابقت گطرة گباحـه
لا زغير عندا حوبـه
ولا چبير البي سماحـه
من هجـم بيتك يـ وكتي
شــ هل وكاحـه
هم سوك وابنك مشتهاته بعينه
هم حاط ايده بحاجه ومرجعينه...؟