هنا

[فقار الكرخي]

برد دم القصيده
ولاذت بسدي
گمر غبشه انطفى
وملگة الحزن يحدي

مناهت والندوب برگبة المجهول
وسمه
ولاثنتني ولا عرفت حدي
جبتهن بالتدرج
هاي تدفع هاي
ومسايس عمر
ياهاديه تهدي
الم بيهن سنه
وتفلت سنه من الخيط
طشه ومانفعها اتبلبشي وشدي
عطش وعيون عمري
استسهلاها الكيض
لاساجي الـ يمرني ولاجدم يبدي
كلت
گطره على گطره
وليل يعگب ليل
ويدوخ الندى
ويلتم بلل وردي
اثاري شما المن من وشال الصيف
حد ما وصل حلگي ولنه متبدي

شماته وليل غربه
وچلمة الياحيف
يلتمن دمع ويطيحن بخدي




م

[أستثنـآئيـّةة❤️]

روعـــــةة