هنا

[فقار الكرخي]

لو جاج مرسال العطش
وديلي بوسه بگده

وخليلي بيها من الدفو
حضنات كون تشده

وتلهفيلي بغيبتي
حطيلي وردة بغرفتج
وزگيني يوميه المسا

خاطر تشميني الصبح
وشلون منظر ننرسم
وردة تشم بوردة

وحاجيني وطمني علي
وگليلي مشتاقه الك
يمتى يصير الملگه؟

وبراحتج زعلي بعشگ
وانطيني ظهرج بالزعل
حتى انا افزنلج عطر
ووگع عليج بشهگه


شمحلات شبگات الظهر
لمن اجيلج بالغفل
كل الدفو بصدري
يجيج بحرگه

ماعندي غيرج تنعشگ
وحتى اذا چانت اكو
هي النسايم لو تمر
من غير شخصج
خنگه

بس انتي ضحكاتج صدگ
تطرب عليهن كل اذن
ولو دورينه سوالفج
فيروز بيهن نلگه

وجفوفج ولاية بدو
رحالة اصابيعج بدي
جفوفج يحلمي الماخلص
مستاهلات الرفگه.






ازهر كريم

[فَـيـروز♡]

وووواوووو يخبل

عاشت ايدك فقار

[أستثنـآئيـّةة❤️]

عاشت ايدك

[الملاذ الاخير]

يسلموا للنقل المميز فقار