مرني اخر طيف بعيون المدينه
ومرني كلشي
الشوارع ، والصحاري ، وصوت جاهل
واللافتات البيها اسمك
وكمر اخر ليلة بالبصرة الحزينه
مرني اخر طيف بعيون المدينه
داسن جدامي الدرب
صعد منهن خدر للروح ، وسكت كلبي
وبقت عيني
توزع الشوك وضواها ، وتبجي باجر
كلشي حاير
كلشي ساكت
كبل ما نوصل ال٥٠ كيلو
كبل ما تبدي الافتات توج حنيني
كبل ما يبدي الهوة يبرد جبيني
كبل ميهز ريح العمارة كذلتي
جنت ناسي
صارن ٣٠ كيلو
آه يكلبي
كل مواويلي القديمة اتذكرتها
كل العيون البجت بالدنيا صرتها
كل لعبنا ، والغناوي ، والوعود ، والدروب الرادت نمر
والجوانين التجر من دمي بردها
كل الاحلام تذكرتها
آه ي ٣٠ كيلو تذكرتها
صرت اشم بكلشي يعبرني عطرها
واعرفت وين تسكن
وين وهي
وبيش حلمانه امس
وصارن ١٣ كيلو
وصار بكليبي عرس
صار كلبي ، زفة طيور النوارس
كلش ابيض...
م
رد مع اقتباس
