هنا

[فقار الكرخي]

يمته أشواكنة نسويلهن حد
جزر ياخذهن وميجيبهن مد

أهواي احباب .. !

بس من توكع بضيج
تستنتج من الغربيل محد
بوب كلوبهم خيبر بالعيون
بس الغيرنة بيبان مرقد
الاسود على الماتوو مالبسناا
وادم عايشه ضوكتنه الاسود

موش هموم ...

مانحمل الهدوم العلينة
كثر ما بللهن الخد
بدمعنه أنافس عيون التماسيح
تتخيلون بجيتوهن شكد
كون العين عاجر طيف مجيب
لو لاهة ولا نشتاك لحد
وكون داينونة كلوبكم يوم
ونقسه وبيه الموجرات تبرد
خناجر ظهرك من اعداك بريش
التكتلك بيد اليحبوك تنحد
شايف لمن جرحك يجي من دواك
وتنطر تبقى تمشي و مالك احد
عمدا تنسى هدمك خاطر يصير
عذر بي ترجع من الشوك يصعد
ترد وتلكة عذرك غاد مشمور
البيه الروس من تنوجع تنشد
شيبة برأس نورس تعبك يروح
وترد البيبان بوجهك تنسد









مهيمن الامين

[أستثنـآئيـّةة❤️]

عاشت ايدك فقار

[فضاء.]

شايف لمن جرحك يجي من دواك

الله..
عاشت ايدك