إدارية سابقا ^ _ ^
Nazkul
تاريخ التسجيل: December-2018
الدولة: ♡جنة الله♡
الجنس: أنثى
المشاركات: 13,787 المواضيع: 1,645
صوتيات:
35
سوالف عراقية:
1
مزاجي: مزعج ^_^
المهنة: أسعى لاكون من الـ³¹³
أكلتي المفضلة: أي شي بي فراولة ^_^
موبايلي: Infinix Zero 20
كلمات قصيدة ماتت الطفلة الأسيرة... باسم الكربلائي مكتوبة +استماع وتحميل mp3
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
الليلة عذراً يا إلهي يالتصلي اعليها...هذي بنت الجنة هذي بالخرابة اشبيها
سورة شامية بإسمها ريت لو توحيها...آيتك أما اليتيمة انقهرت و ماذيها
ذوله من عندك حبايب...بالمصارع و الخرايب
ابيا رزية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
طاحت أول ورقة منها بكربله امن الحيرة...حينما ناده أخوها فرن ابلا ديره
النار خل تاكل خيمهن هالخيام اجبيرة...اشعندها تلحق ثوب طفلة و العباية ازغيرة
بيها خل النار تعلم...طفلة حوبتها جهنم
اشقد خطية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
وردة ذبلت ورقة ورقة و العزيز اتنوحه...غايب بسفرة تظنه و هوه غابت روحه
حسين بايسها بجدمها بدمعته المسفوحة...ليش فوق الشوك تركض حافية و مجروحة
كل جدم تقطر جراحه...اتصير بالجنة مناحة
اشجم أذية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
بصوت شمر و زجر ندري هالمتن ظل وارم...لجن لطمة اللي اعله خدها يا هو بيهم لاطم
و الشلع منها التراجي يدري تنفك لازم...أثر خدها و دم إذنها صح شبيهة فاطم
و الضربها و السلبها...أغضب الباري بغضبها
كالزجية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
طفلة تسأل عن براءة مو قصدها اتعاتب...تقول كل هذا الجرالي و الأبو هم غايب
حين عن عبدالله تسأل زينب إلها اتجاوب...راح عند الله يعمه و لا يشوف امصايب
طفلة ما تفتهم إلها...لله ودوني تقلها
بصافي نية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
انتهت كل ورقة بعمرها بقت وحدة اوياها...بالخرابة امواعديها و الأجل يلقاها
و اللي مجلودة بظهرها جم جرح آذاها...اشلون نامت رغم ألمها و تبتسم عيناها
هذا مو وكت ابتسامة...جفن من زاير منامه
شهالقضية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
ايهدد آخر ورقة إلها هالخريف ابسيفه...شهر ما تقدر تكمله و شوق أبوها اتعيفه
نايمة اتحرك ايديها اتريد تحضن طيفه...فزت و فقدت حلمها فز دمعها بكيفه
اتصيح وينك ها يبابه...و الصده اترده الخرابة
منهو لية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
زعجت ايزيد البواجي وشيطيب اهجوعه...طشت وده بيه مصيبة العرش أحنه اضلوعه
راس وهوه ميت يذرف إلها ادموعه...الطفلة حضنت راس أبوها و ماتت من اللوعة
ما تريد أحّد يصّبر...عن مشاعرها تعبر
بالمنية...من رقية...طاحت الورقة الأخيرة
ماتت الطفلة الأسيرة...وردة عشيتها قصيرة
هالمسية...من رقية...طاحت الورقة الأخيرة
للتحميل mp3
اصغط هنا
استماع
كلمات: الشاعر علي السـقاي
اداء: الحاج باسم الكربلائي
رد مع اقتباس
