هنا

[فقار الكرخي]

عمر عشره وشذرها أنتي
يسالوفة هليِ وبختي
يعيد وهل
ربيع وحل
خضار وماي خضرتي
عتاب بليل ما صرتي
فخر فدعه
بنعاويها وتفاخرتي
يدله ومگعدج ديوان
يليرة أبصرة النسوان
حدر عبهن تدثرتي
تهب ريح الوكت بخبال
هذيج انتي الولا طحتي
حفظتي امية الگصه
الشرف للبيع مابعتي
أشكثر باعن ولابعتي
يليل وطر
يخير البر
شحلاة أجفوفج التصفگ
خبز من گاعنه أخبزتي
بهلا ويا حيد عزبتي
تمر خيل العرب خطار
ولاعل خيل بحرتي
قريبه المكحله أگبالج
بعيده الكحله عن عينج
لحد ما ماتت بحسرة
ولا بيها وتكحلتي
ولا غصباً تزوگتي
يحنة جف
يخفة دف
عله جروح الگلب ملتي
زغيره سوالف العشاگ
جبيره وياج سالفتي
حدر من بير سالفتي
عليمن والوكت شيريد
هذاك آنه أنشكل ذمتي
هذاك آنه الگلو حصتي
هذاك آنه العبر وكتي









همام الزغيبي

[أستثنـآئيـّةة❤️]

جميل

تسلم

[سمراء من قوم عيسى]

الله الله