شعلية بكلام الناس ؟
أحب روحج وأحب شكلج
المغروره عليج يكول
ما يوصل طرف حجلچ
نظرتج باردة لغيري
واحس تجويني لو اصدلج
شعلية بكلام الناس ؟
أحب روحج وأحب شكلج
المغروره عليج يكول
ما يوصل طرف حجلچ
نظرتج باردة لغيري
واحس تجويني لو اصدلج
يل مگيول
وي كل دگه من گلبي
يلموهس
صلاتي بعيني وي ربي
شحچو يمك وما هميت لدروبي
مــن باب اموت بغيبتك
ومن باب اموت بجيتك
ولليوم مدري شتنحسب
محبوبي لو چتالي
گلوله
من البارحه ولليوم
ما ضاحك صدگ
من الـهـوى الـيشتمه
كـلـش مـختنگ
إشما
ألتم و أطوف
بـ سورة إلنسيان
يزرعني إلكلام وأعطش لـ طرواك
صبيرة إعلة چف صيهود
أغيب بـ شبچة إطيوفك طبع رحمة
بـ گلب صايود
يـ أللي إمعاشر إضفافي طبع مشحوف
كل نظراتك بـ روحي
مثل ماي إلحياة بـ كل مسامة إيطوف
يـ ألمزروع
بـ إعيوني مشاتل شوف
ولك يحمود..
جفي ادلالك الحلوه
بعد لاريل مر بالليل
لاريحة الهيل
وفاحت الكهوه
ياسلطان كل گمره
ويالحضنك دفو السبعين
تعال وخل ترد روحي
وخل نختمر طين بطين
-
أنتــة تــعــرفني دمعتي بطرف عــيني ،
وتدري لـمـن تزعل ابـچـي ..
شلــون وصلت للوداع وفارگتني ؟
وانتَ تــعــرفني مــن اچذب ؛
ليــش مــن گتلك اعوفك صدگتني !
ليــش هالمره شعجب مــآ چذبتني
- اصبر ..
راح اعلمك غيضة الفلاح
من يلگه الشتلهن غيره شالعهن !
-
شكثر صرنه شمع من حزمت ليلك
ولا عفناك
لسه الكاع تاخذنه لون مرت تفاصيلك
وبعدنا نشم مراسيلك
بعدنا شما يكضنه الليل نبچيلك
(يما تدري بفواتحنه ونغنيلك)
يمن سوله مكاتيبك
شحط بيها وخلي ادروبنه تجيبك..؟
فواز رشم