و صحت لــ إبعيد
يا نهر التعب لـ عيوني
عبر إنعاس
نومني أريد أرتاح
بـ عيوني بچي
بگد الحچي المضموم عند الناس
و صحت لــ إبعيد
يا نهر التعب لـ عيوني
عبر إنعاس
نومني أريد أرتاح
بـ عيوني بچي
بگد الحچي المضموم عند الناس
مرني شوف شيحترگ و شيشتعلك
مرني يا معگود بـ گليبي شيفلك
مرني گتلك
ياهو يشبهني من احبك
و شنهو ظني؟!
لشوكت عايش أضلن عالظنون الضيعنّي؟!
وليش ما تابت وضلت
تركض عيوني ورا سنين العمنّي
أحس گلبي اليحبك طير
طاح بـ شبچة الغربه
بعيد انتَ و بعيد آني
و كُل واحد نصب تمثال لـ لثاني
بـ وسط گلبه
هدومِـي تخنگني مِن اشوفن
وآحد يداري بـ حلآلي
ليش ضيعت التريده؟
شبيك تايه مدري وين
شبيك شارد من قصيده
وترجع اطيح بقصيده
وين سارح چنك مضيع العمر
گاعد أنت وحزنك الماينتهي
بگهوه بعيده...
ريت الشوگ ياخذنه
ولو نسمة هوى وموجة فرات
وگلت ريت الشوك ياخذني
ولو چلمة غزل بـ رموشه ابات
من يدگ شباچكم عَصفور والدنيا مطر
گولي مَحبوبي أجه وفلّي الشَعَر ،
من تجي نَسمة خفيفه أتناغي ترچيتچ بَرد
گولي مَحبوبي گعد
گولي محبوبي برد
ليش تذبل؟
ليش حزن الناس موسم
وانت حزنك ماله تالي
ليش طيفك فاهي گـلبه
وطيفهم عرس الليالي
هواك أنـت ..
يـذكرني بفـرات ودجـلة يـوميه
مـثل گـلبي ومـثل گـلبك
تـلاگن صـافيه ألـنيه ..!!