آنه ارد الوك الحمد .. ما لوكن لغيره
يجفّلني برد الصبح ..
وتلجلج الليره
يا ريل باول زغرته...
لعبته طفيره
وهودر هواهم ولك
حدر السنابل گطه
آنه ارد الوك الحمد .. ما لوكن لغيره
يجفّلني برد الصبح ..
وتلجلج الليره
يا ريل باول زغرته...
لعبته طفيره
وهودر هواهم ولك
حدر السنابل گطه
شنو شضل شبقه شبيه شبعد شلي
شرد شرجع شسوي بعشرتك شلي
شلم شجمع شعبي شباقي بيه شضال
شحصد شرتجي يلشگشگت شتلي
حنيت أنه إلشوفتك
واصبرت بس ما صبر
گلبي
وصرخ راح اطگ
جاباني إلك وإذعنت
جيتك بليلة شتا
ظلمه ومطرها رَشگ
وشبعده صار الدرب
خوف و رعيـــد وثلـــــــج
وچفوف إديـــٌه زرگ
إبابك طحت ها گمت
ضَمٌيت إدَيٌـــه إوْ رِدِتْ
عالباب بالروح أدگ
بس گالوا إلمَن تدگ
كلمن مشه إلحالته
واحد سكن بالغرب
واحد سكن بالشـــــرگ
الگاطع
وأحبنك كثر ما بـالگلب شوغات
وانه انسان مـو ٲي طينه احبنها
ولا جيه بعد منهم
ولا كعدات گمريه
ولا بيدر هوانه يعود
يوم ونگعد بفيه
ولا شوفه ولا ضحكه
ولا ريه تحضن ريه
هَليّ لو ابعد من الدار
و اضيّع و ما تلاگوني
و اظل متغرب و حاير
غَنولي الأغاني الچانت تحبها و أرد طاير
هنیاله
الـ ابد ما يعرف یتانـي
هنياله النسـه محبوبـه الأول
وعاشـرله محـب ثـانـي
الیله اشم ریحت شته ولدنیه تتراگص برد
الیله یاخذنی الهوى فراشه لحضان الورد
بس من ارد
من الورد
ارجع امدنگ مستحه
چن شعب ماخوذ من عده المجد
البیته شارع
لو برد
یتغطه بیمن؟ بلعجد!!!
والله لو تدري بعشگنه
وچِنه شنهو شحاسبيّنك
حاسبيّنك مِثل ..
رمش عيونّه وسلوة حچينه
حاسبيّنك أنتَ كل العُمر وأيامه وسنينه .
اعيونهم
صارت گزاز
بكل جفـن يندله حلمك..!
وانته يلمجروح
خاف احچي والچمك..!
لــِ كاظم الگاطع