الوطن بعيونچ يسولف تفاصيله
عينچ والشغب يردونه نموت
انتي بخزرتچ بس همه بالچيله
اضحكي
الوطن يضحك من تضحكيله
الوطن بعيونچ يسولف تفاصيله
عينچ والشغب يردونه نموت
انتي بخزرتچ بس همه بالچيله
اضحكي
الوطن يضحك من تضحكيله
يروح منك
تحترگ ، بس ما تبيّن
تصير صعبه وجوه ناسك
لمّن يصير البچي اعله العين هيّن
يروح منك ، تنطفي و وجهك يلافت
للوجوه الحيل مره
تخاف من الموت لا يفضح اسرارك
و الشمع يغفه الصبح وبصفه عمره
وهذاك انت
الولا حسبالك مفارگ
الولا كلفت نفسك تعرف شلوني
طاحتلك الفرگه
وهاي صار سنين
تشتم الهوى بدوني
واذا جيت اعلئ بالك لا تود مرسال
انه بخير ما طول انت بعيوني
عندي دفتر بس لاسامي الأصدقاء
چان من كثر الربع ماينطبگ
مسجلة كل صفحة بأسم صاحب عزيز
منه قصاصة ورق ماچنت اشگ
وهسه من شحة مواقف لاصدقاء
گمت من النص اشلعهن طبگ
وي عمت عيني بقه بطرگ الجلاد
ذاك ابو ال٢٠٠ ابو عيون الزرگ
ما خذني التواضع لچَن رديت
اكتشفت الطيب ويهّ البعض غلطة
متَربي وعلــي والآ انه والله
راسي براس ابو الطيب احطه .
حااجتي ف الحب حاجة منطقية
والمحبة ! . ما تجينا ب (الوراثة)
ابتسامه ، و اهتمام ، و طيب نيه
وين أحصل ناس تجمع هالثلاثه !
خاف أحــبڪ وخاف احسبنك وطن ،
وگـلبك يسد عَـني بـابـهَ
وأنــي مــوو ذاك الـ قــبل
يستقبل اللـچمه برحابه
لو صحن امن اذيال ثوبك شراشيب
منهن لسوي اعلوك والياخذ ايطيب
أحــچيلي يَ الحچيك دفـو مــن تغلط انكول العفو
بَــس أنـتَ تـستــآهل عَشك وتلوگلك ڪـلمة ڪـفو .
لاعاد تستغرب يصير اللي يصير
في هالزمن كل المفاهيم : تغدي
اكثر من ينافس على الجود الفقير
واكثر من يسولف عن الطيب الردي