مو صوجكم
مو صوجكم
صوج الغرك بعيونكم
ما ادري بيكم بس حجي
جا وفرت ذاك البجي
جا ما صرفتلكم عمر
جا ماصفيتلكم جسر
مو صوجكم
صوج اليهز جذع السمه
ويطيح انجوم الكم
صوج اليشلع بألضحك
ويشتله بشفايفكم
مو صوجكم
صوج اليعاشركم نبي
حسبالي الكاكم علي
شمدريني اميه ابدمكم
صوج اليأمنكم جرح
ونتم تحبون النزف
صوج اليأمنكم ظهر
وطعناتكم بس للعرف
مو صوجكم
ابطولكم ما غزرن شبكاتي
لاغزرن بجروحكم لمساتي
لا غزرن بخدودكم بوساتي
لا غزرن بدروبكم خطواتي
لا غزرن لعيونكم دمعاتي
موصوجكم..صوج القدر..
موصوجكم
رد مع اقتباس
