جاي وجكاره وجذب

لنفسي اولاً --ثم --لمن يتقبلها
جاي وجكاره وجذب

نصيحه!!

شاي ؤجكاره وكذب
جَلسه ابهوى الغيبه

ماسِلم منها نسب
كل واحد انعِيبه

لو خلصينه العرب
بالأفك والريبه

للعجم نسلك درب
ونعيب كل هيبه

وننبش الميت غصب
ونجر شراشيبه

لازم نحمله ذنب
بالطاري ونجيبه

للنفس صورة محب
بس بالاصل ذيبه

نعتقد احنه الذهب
باقي البشر خيبه

ونعتلك نار وغضب
للجابنه ابعيبه

كافي مو راسك عُطَب
وتغطى بالشيبه

وَعد المنيه قُرب
لتكَول مدريبهَ

للقبر هسه تطب
وتشوف تعذيبه

للنار تصبح حطب
يل ما الك طيبه

وهناك والد لهب
شاركَك بالخيبه

يستقبلك بالحطب
هوَ ومعازيبه

بقلم
الشاعر حسين الساعدي