شـمع شـخصك شـعل بالـروح شـلهة
شـفـت شـامة وشـبچ بـالچـبد شـلهة
شـحلاتـك شـلـت شـمـس الـكـون شـلهة
شـهـگـتـك شـافـت الـعـلـة الـخـفـيـة
///////للشاعرعمرالحربي//////////

ابوذيات للشاعرعمرالحربي

اخلص هم ورة ساعة يمر هم
يصير اماد من يهفت يمرهم
اكص جدمي اذا مرة يمرهم
ولا انسى الجرة والصار بية

عليش ملايم بكلبي يحزني
جرحك بعد ما يبرة يحزني
خنجر مدري يا صفحة يحزني
المهم من كل كتر اصواب بية

منو مثلي يعالم صار بي هم
على الضاع الوفة والطيب بيهم
يكون الصار بية يصير بيهم
ويشفون الجرة والمر علية


يروحي من الحزن هيدي وكـفّي
وعليَّ صار الـدمع مـورد وكـفّي
أصب همي بوسط طاسي وكـفّي
يـفيض وتـحـرك نـيرانه اديَّـه

بـنـيـت الـروح بـالـونّـة وهـدمـاي
وعـلـيّ ثـوب الـحـزن چـفّـن وهـدمـاي
…

يگلي الگلب ما يهوه منعتاب
وشعتب بعد ما ينفع منعتاب
اكض رجليه واكطعهن منعتاب
مو بابك على بابك بديه
كلماتي

مرسال الگلب صاير-------- ورد لك
ومحبتك باالدرب تشتل---- ورد لك
شكد أفرح من تراسلني----- ورد لك
وأرسل روحي للغالي هديَُه

وحگ الي فرض كل عام .....زورة
هظمني الرافكاني وبان .....زورة
عفتني بگاع سيد ادخيل ....زورة
الطناطل والحيايه تروش بيه

يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه

‏حلو اسمك حبيبي وبيه......ضمه
‏وجمالك لا تشوفه الناس.....ضمه
‏اخذ كلبي عله كلبك حيل.....ضمه
‏يبوسك لو ردت تزعل . . . . .عليه

نسيج من الحزن بالروح .....ينحاك
وعظمي من شديد الحزن .....ينحاك
اذا انته طير انكسر •••••.....جنحاك
انا جنحي وخاطري انكسرن سويه

أريد اگعد و انوحن بيك ياليت
على اللي اعصروها و غصب يابت
يم الحسن تبجي عليج يا بت
اضنها اللي انسبت بالغاضريه

أريد اگعد و انوحن بيك ياليت
على اللي اعصروها و غصب يابت
يم الحسن تبجي عليج يا بت
اضنها اللي انسبت بالغاضريه