التصنيف: نكات عراقية

نكات عراقية مضحكة- نكات تحشيش - أخر النكات - نكت عراقية روعة

كانون الثاني 18 2024

نكتة في قديم الزمان كان الشباب يتفاخرون …

في قديم الزمان كان الشباب يتفاخرون
بالمعارك والانجازات اما الان يتفاخرون
بعدد البنات وعدد المتابعين في الانستقرام
والتويتر وغيرها من البرامج ..!
لا ويجيك واحد يقول انا عندي غمازه

^ الله يلعن ذا الوجه 23
إضافة نكتة

شباط 27 2023

نكتة هذا أكو واحد يگول فد يوم …

هذا أكو واحد يگول:
فد يوم صعدت كيا والسايق مشغل أغاني عالية حيل ويدگ هورن وماخذ الشارع عرض بطول
والعجيبة انو ماكو أحد من الركاب أعترض على تصرفاته وكلهم ساكتين... يگول اتشجعت وگتله:
(عمي بعد عمك ترى مو هيچ السياقة،
شوية نصي المسجل وسوق على كيفك !!)
يگول السايق إلتفت عليّ وگلي:
عمي أنت أصلاً صعدت ويانا غلط
أحنا عائلة ورايحين لعرس أخوي
وأنت من صعدت وي اخواتي اني ماردت أفشلك
وگلت أوصلك بطريقي
يگول من فشلتي گمت أهلهل وياهم

24 24 24

تموز 17 2022

نكتة سالفه ورباط أكو واحد اشتراله مطي …

(( سالفه ورباط ))

أكو واحد اشتراله مطي أجلكم الله ب 50 دينار ثاني يوم المطي مات فحيل انغث وگام يدگ على رأسه وبهل حال اجته فكرة وگال : ليش ما ابيع المطي وهو ميت ؟
فطلع للسوگ وصاح بأعلى صوته :
عندي مطي أبيعه بـ دينار والبيع بالقرعة وكل واحد يريد يدخل القرعة لازم يدفع دينار وبعد هو وحظه اذا ربح انطيه المطي وان ماربح يروح عليه الدينار
فالوادم دفعوا كل واحد دينار وجمعله أكثر من 600 دينار
گولوا سوه القرعة طلعت لواحد من الشراية والوادم سكتت ومشت فأخذ الزلمة الربحان للبيت حتى ينطيه المطي
الزلمة من شافه گاله بوية هذا المطي ميت ومايفيدني أنه شسوي بيه
گاله بكيفك اذا ماتريده ارجعلك دينارك الزلمة اخذ ديناره وراح

رباط السالفة !
بس لا ننخدع وندفع دينار ترة المطي نفسة من السقوط ولحد هسة

شباط 10 2022

نكتة اكو سايق تكسي يگول اجروني عائلة …

اكو سايق تكسي
يگول اجروني عائلة (كروة) من بغداد للبصرة
گالي الحجي (ابوهم) گال عمي دنيا الصبح شغلنا قرآن
دورتله إذاعة بالراديو بيها قرآن ساعة يلا خلص القرآن
رد: گال عمي شغلنا قرآن شنقضية رايحين بمنية
گتله حجي هاي اذاعة وخلص قرآن
الحجي ألتفت على مرته (الحجية) شوفي جنطتج مو بيها قرص مال قرآن لـ عبد الباسط
يگول: الحجية طلعت قرص MP3 منزله القرآن كله بالقرص
وخمس ساعات قرآن، وصلنا قريب ع البصرة الحجي گال عمي اطبگ خلي نتغدة وانزل اتغدة ويانا
گتله: لا عمي اني اضل هنا گاعد بالفاتحة خاف تجينا وآدم وفشلة ماكو احد بالجادر

24