يهلال الاهات

يـهـلال الآهـات هــلـيــت كَــــلـي بــيـا جـرح
وبـيـا مـعـانـات مـاتـكَــضي لـو طـَر الصـبح
لـحـسـيـن لـو لـجـل الـحـشـد
هَــلــيــت بــيــنــه بـيا مَجِـد
يـهـــلال الآهـــــات
..............................................
نورك على جبد السمه مكتوب آيه
وانته الوجودك من تجي نرفعله رايه
ننشر سواد بكل شـبـــــر وابـلا نهايه
نلطم على ضلوع الصدر هاي البدايه
ماتنتهي شلون احنه ابتدينه وعالعهَد
بدموع العيون نحيي الشـعـائـرللابَد
وكل سنه انسألك من ترِد
هـلـيـت بـيـنـه بـيـــا مَجِد
يهلال الآهات
............................................................
حسين بضمايرنه ونـضل حد كَطع الركَاب
اشما نشرب الماي العذب ماننسه المصاب
والمدرسه الموكب صبح كل احـنـه طلاب
واحنه تخرجنه حشـــــــد وابرتبه اصحاب

والنصرت حسين يـهـلال ضحينه شكثر
لَبنِ الـمـيــــامين بينه العمر ينطي العمر
والراحو بعمر الورد
هـليـت بينه بيا مجد
يهلال الآهات
...................................................
ندري انت نورك من سطع يعلن مصيبه
ومن عدنه يهلال اشكثــــر فــاكَد حبيبه
بينه الاخوته استـشـهـــدو واشتد نحيبه
لا جـــثه رجـــعـت لا ذِكــر إلـهـُم يجـيبه
وما إلهم اكَبـور ونزورهم وكت الصبح
بالخاصره ايدور فركَاهم اكثر من رمح
وكَلوب اهلهم تنمرد
هـلـيـت بينه بيا مجد
يهلال الآهات
.........................................................
ومـِـن المئاذن ينســـمـع صوت الجوامع
حي على فرض الحــــزن يـهـل الـمـدامع
غابت شمس عام انكَضه بس بالمصارع
يومـيـه عاشـــور وارض كــلهـه مــفاجع

مفجوعه الكَــلــوب من كربله ولسا بقت
دمنه احنه مطلوب والمعركه لا منتهت
وحزامنه ابجيتك نشد
هليت بيـنـه بـيـا مجد
يهلال الآهات
....................................................
حجمك زغير ابطلعتـك واشتحمل اهموم
صبرك عجيب وكل سنه بهمـومك اتصوم
مثلك نـطـرنه المـنـتـظـر غــايبنه معصوم
من يظهر ايعــيـد العـدل يسحكَـ عالخشوم
واحنه انتظرناه وي كل شمس نتخيله
بالحسره والآه ايعجل ظهوره نسأله
وانكَله أهلاً من يرد
هليت بينه بيا مجـد
يهلال الآهات



ياسر العارضي
مع اقتراب شهر محرم الحرام
اضع بين ايديكم قناتي على التلكرام
الشاعر ياسر العارضي
لنشر الشعر الشعبي
https://t.me/yasralardy