عيد ميلاد
نجمه سمائي
كل عام وانتي بالف خير
سنه كبرتي وصرتي احلى من الورد كله
لون البنفسج من يتعطر بريحان
ما اصدك انه زاد عمرج وخله
لا معنى للارقام ولا تقبل الحسبان
يا محلى وجهج لو صبحت بيه
ملاك جن متصور بإنسان
وشحجي على الشعر ما شاب لونه
حرير ملون بمي بركان
انتي كلشي بيج صاير حلو
كمر وجهج ينور اجمل البلدان
يوم يزيد من عمرج بعد
اشوفج احلى من العسل كيف ما كان
اتمنى كل سنه احضرلج قصيده
ما كدر يوصفهه اي شاعرا ولهان
كد ما شفت قصه بعيونج
صعب تنوصف بكلمات لو حتى اطنان
انتي حبي الصار كلشي حلو بيه
بنتي وحبيبتي وعشقي بكل الاديان
كل ذكرى ميلادج نعمه من ربي الي
جنهه العافيه ردت بيه من زمان
كل عام وانتي بخير يا ورده احلامي
يا نجمه سمائي و موطني ويا نصفي الثاني
اتمنالج العمر كله حبيبتي ❤