لبست سواد اعضاي كلها على فركاك
بس الشعر معذور فك حزنه بجفاك

كاس الشربتة وياك كبرني الف عام
طلعلت بيه الشيب ونحول الاعظام

كاس الشربته وياك حنظل جرعتة
كلبي الخلص وياك بيدك فجعتة

كاس الشربتة وياك هدملي الحيل
ما خلة دم بالراس بس دمعي يسيل

كاس الشربتة وياك خرب كشختي
من عفتك ارتاحيت ردتلي صحتي

مو كاس اشمن بيه ريحة منية
شيبني قبل الشيب جرحك علية

من عفتك الهاليوم رد كحلي للعين
لا كاسك ولا بيك.. تطلبني بَدين؟


كاس الشربته وياك حنظل جرعته
كلبي الخلص وياك بيدك فجعته

من كثر نوحي عليك جزعتني داري
ططوه وچسحت العيد حتى على جاري

يالشايل الباكيت أطني جگاره
مو لازم الشخاط من گلبي ناره

ذنب العمر... لما يضيع بس تفكير

ياما سقيت الناس والجربه تشهد
من طحت حدا اليوم ما جاني احد

بالفاله والمكوار،،،،،، لتعنه حيكم
ليش امندك الباب يطلعلي خيكم

هيج ويمر خطار ولفي على بيتي
مافتحة بس الباب افتحله ريتي

بلجن يمر على الباب و يذكر الفات
ويسأل هلي يفلان حيّ بعده لو مات

أريد أذكر اهواي و ابجي على حالي
بلجن يمر على الباب و يگول جيت على بالي