شميت الورد صدفه وصرت شاعر -الشاعر حسين الساعدي

شميت العطر صدفه وصرت شاعر !!
حسين الساعدي
؛؛؛؛؛؛؛؛؛؛
ما أكتب شعر لكن سحبني الشوك
وصرت احجي سوالف تكسر الخاطر
مثل محتاج يتحسر الطبت السوك
ويوميه ويأجلهه إوعله باجر!!
صلفه العين صَلفه وبالدموع اتسوك
وجنهه الدمعه جندي ابخدمة الأمر
ما أكتب شعر بس الكلب مخنوك
والنا ظر جمالك بلشعر شاطر!
فزيت وشفت كل العمر مَبيوك
لأن خَلصت عمري ابكلمة امسافر
وصلت أخر محطه والكلب مَحروك
شفت ورده وبورده وكاعِده إتاجر
شراي وأشارط والشرط بلضوك
لو يعجبني عطره وسعري عالخاطر
شميت وشفت حته الورود اتبوك!
من خد الترافه اليسحر االناضر!
مو شاعر جنت بس الكلام ايلوك
شَميت العطر صدفه وصرت شاعر
االساعدي