عجيبه
كل عمرك ذليل وعايش أبدنياك ...
عجيبه أشلون خايب تعشگ ألذله ...
أسولفلك بعد لو أختصر وياك ...
ياألعايش أوياي أدور ألزله ...
شيفيد ألكلام وعقلك أزغيرون ...
لأن طبعي لغز ماتگدر أتحله ...
ألف مره گلتلك مني أسمع دوم ...
لاتسمع كلام ألبيهم ألخله ...
أشد حبل ألموده وردت منه أيدوم ...
ليش أنته يخايب ترجع أتفله ....
عله درب ألمحبه مامشيت أوياي ...
بس درب ألغدر وياي تندله ...
چنت أنه أعتقد لو جرح بيه أيصير ...
أتواسيني تجيني وبيدك أتشله ...
لكن للأسف كل ألذكرته أوهام ...
ماحاسب أحسابي أبسيفك أتسله ...
خليك أبعلم هذا ألزمن غدار ...
وأبد ماتلگه مثلي أبعالمك كله ...
بس أنته غبي وماتفتهم معناي ...
يل منك ومنهم صارت ألعله ...
====================
ضياء ابو خالد ... واسط
====================