معضد ماي

خيعون المرايه الشاربة عيونك
الهوه شذراته ترجية
تغازل زلفك بنجمة
العوافي اللونهه بلونك
وكمر متعوب
ضاع بشمرت اجفوفك
وكع يشرب فياي حبوب
دمع غركان من يصعد يكع حالوب
حچي القمصان
رجع واحس الحيطان
عين تغازل الشباچ عين تسكت البيبان
ضحكتك فجر لفت ليل كالتله تنحه لغاد
رسايل بيهن اتفس عطر جفك
تغني الدهلة بخدودي
علواهسها يطك خنياب
شمس فحطانة
مصلوبة عالمرايات
حدهه لعتبة السرداب
ضفرت السجج لطيوفك
وجف كحلة يدك باب الرمش بسكوت
يا طيفك بعيد هواي
خذتني الريح بگذلهه
رماد بخور ذبتني علفي الكاس
اذكر ضحكت الحنة
ورد ومسح دموع الياس
ظرف مخنوكة بيه حروف
تفز من نومهه وتصحه
بهلاهل من حجل ملهوف
معضد ماي يلصف لوحضن مجداف
جف ناطور يحلمله بجتف حواف
انطر جيتك ياماي
حذرتك وكتلك بالك تأمن بريل الماي
يمشي براي هاي الريح
ماعنده محطة ومدري وين اطيح
هالبت ساجيه اتجيبك
صعد بيه الرمل جتفين
انه مكابل تصاويرك
وسافر بيهن لزلفك
ورد اصحه بضوه حايل عله الشباج
ماصحله عرف بالناس بس خدك
وغنه دخان يندهني
عله وشالت تتن مرطوب
وحط جفه ويجف ريتي
ومشيت وياه
لفياي الظهاري الباگهن حطاب
والسندانه بعيون الورد سرداب
يريح الفرحة الطليع
لسه اتناك
يجمار المثل كلبي
شجنيت وياك
شفت جم مغربية بشيشت الفانوس
ونته ولا تحن وتعود
ملحن من تفك صدره تلاكي كليبه شابك عود
هذا انه شبعد بيه
تفرفح روحي صم تراب
تاه بمكبرة غربة