الجروح
تعال اگعد يجرحي اتحاسب وياك.
وخل نسهر سوه ونصفي الحساب.
وماكو ويانه ثالث باخر الليل.
اني وياك بس ونقفل الباب.
امنين اتريد ابدي ابكيفك اختار.
من اول جرح لو اخر امصاب.
لو من حزني وعذابي واول اصباي
لو من يتم روحي وفگد الحباب.
ردت منك سبب لحزاني وارتاح
ما ادوخك وگلك كل الاسباب
ليش ازرع ورد وانت تجي انوب
تسگي اورود روحي وگاعي تيزاب
اجاك اكتاب فرحي اتلاعبت بي
واسم غيري کتبته ابنفس الكتاب