ابن الحشد

گوم شد حيل الحشد خاطر تعيش
وخلهه تتباهه التفگ برجالها
ها يالمعزب اذا يگصدنه ضيف
ماتخليهه الدلال بحالهه
ولو هفت جمر المواگد بالمضيف
اتحشم الغيرة وتفور ادلالهه
هيج اريدن تفگتك وكت النزال
لا تبردهه وتخلي بالهه
جمره كون تصير بجفوفك تفور
حرورة التفگه اتعرف شيالهه
ولو سمه الميدان يضويهه الرصاص
يبني اريدك كون تصفه هلالهه
وگبل ربعك يبني اريدك من تصول
صير الاول وانته ضب احبالهه
وانته گدهه ومن ازامط مااخيب
ابني اعرفك ماتحب اذيالهه
الگاع محتاجه زلم مثلك تصير
وبس البگصته نهر يحلالهه
مثل مهرة ومايوالمهه الغريب
ترضه يركبهه الصدگ خيالهه
وانته خيال ومهرتك گاع ابوك
الجان بالظلمة ايعرف موالهه
يبني لا تعثر تره الموقف جبير
والرجال تبين امن افعالهه