حيلي ينهد من غيابك

حيلي ينهّد من غيابك وابقى ابجي للصبح

ما اظن اكدر اعوفك وبعد ما اكدر الح

انت شالع كلبي بيدك وبايع انت بلا ربح

وذبحتني بلا محنّة وهسة خلصت الذبح

صوّبت سهمك علية مو سهم جنه رمح

ومن ادك بابك اعاتب تسدها بيبان الصلح

جرحتني وعذبتني وبعده ينزف هالجرح

ذلة منك شفت كومة وجنت منتظرة المدح

هسة يمكن راح اعوفك بس اذلّك ما تصح

ومن تحس ندمان انت لا تدك باب الصلح

لان جرحي بيك شفته وفوكة رشيته بملح

جنت احبك اي احبك وصرت مكسورة الجنح

وياك الله اني رايح بعد ما ينفع شرح

وهذا وجهي ماتشوفة بعد ما شفته سمح

يلجنت تسهر تراضي ودمعي بيدك ينمسح

هسة راح الود اشوفه وانهدم ذاك الصرح

راح اضل كل ليلة ابجي ودمعي منك ما يشح

بس تذلني صعب والله وغير بعدي ما يصح