جنت صاعد بالكيا و الكيا صغيرة. بصفي كاعد رجال لابس فانيلة و قميصه بالعلاكه مادري ليش .. ورايه كاعده عجوز يمكن عمرها 300 و بحضنها طفل يكرز حب و يذب الكشور بالكلاو مال قمصلتي .. و گبالي بنية حلوه حيل جنها العيد و بصفها ولد زاحف ذبح نفسه حتى يطيها الرقم .. و ع اليمين رجال شايب شايل 3 دجاجات ريحتهن عفنت الكيا و كلساع وحدة كامزه بحظني و اني محتر كلش ردت افتح الجامة حتى اطلع راسي و اتنفس بس للأسف عاصية و متنفتح بس شويه فطلعت خشمي من الجامة حتى يتنفس هوا ابو الكيا صاح علية بصوت عالي طبب عكسك من الجامة يولد .. كتله هذا خشمي مو عكسي الناس انفجرت ضحك و ابو الكيا كام يضحك و الي كاعد بالصدر خابر مرته حجالهه السالفة و البنية الحلوة الكبالي فرحت و ضحكت و قبلت تاخذ الرقم من الولد الازكلها و حضنهه و ضلوا يضحكون. العجوز رجعت شباب و ضلت تضحك الطفل ضربني علابية و كام يضحك الحجي ابو الدجاجات ذبح دجاجه بالكية و الحجي البصفي نزع الفانيلة و تصلخ من الفرح و الضحك علو المسجل مال الكيا و شغلوا ساجدة عبيد و ضلوا يضحكون و يصفكون من الفرح و الضحك السايق رجعلهم الكروة و عزمهم على فلافل من وره هاي السالفه .
ديرو بالكم اصحاب الخشوم الراقيه ههههههههههههههه
ديرو بالكم اصحاب الخشوم الراقيه ههههههههههههههه
بواسطة khalid alnaeem (كل إضافات العضو)
