فنجانك خجل وسط الدواوين!!

يفلان السوالف خلها بعدين
اسولفلك عليهن وحده وحده

ويردك زمانك وين ماوين!
أسمعنك حجي الحيلك يهده!

انه الانحسب من المساكين
وانته إبخيرك الزاد إوتبده!

ياهو الواكع و يتغده بالدين
وياهو البينه بأشكال ايتغده!!!

انته الضحكتك ترس الدرابين
وانه الدمعتي ابذيج المخده!

ياسيل العتب مثل السجاجين
يجرح كلبك وفنه اليصده!

الفخر مو لليجمع بالملايين
والكاطع اِخوته إوما تَهَده!

البيرغ سلف طوله ابمترتين
لكن للشمس راح وتعده!

الطشر اخوته ايلملم الشين
بس ايدور ابطاري الموده!

كلبك مايطيح وتعرف امنين!
ثابت بالضلع هو اليسنده!

انه اتلكه وجهك بالهلاوين
وانته ابهل وجه باب التسده!

اشوفنك صدك ومجذب العين
سيفك بالضلع جبته وتحده!

مادامك خذت راي الشياطين!
ماكو داعي لبساط التمده!

فنجانك فشل وسط الدواوين
جيما هزته الأيد الترده!
جي ما هزته الأيد الترده!
حسين االساعدي