قلة الربع

بعض الناس تسأل قله ربعك ليش ؟
ولون هالناس تدري بطبعي ما تسأل
مثل حَلَق السناسل ربعي من اختار
ما أحط بينهم لثگه من الموشل
گصته وجاي مثل حجاية الدخان
تايه والرياح تگوده من يرتل
الصديج الفعلي من اضروفك تأذيه
وتضلّ شما تأذه بروحه مهيَّل
انا ربعي مثل عصي السلال تكون
واحد وي الاخر بالربط والحل
عگال وما ارهم الا على زلمه ثگيل
وللعنبر أفعاله انگل جدم واندل
ميهمني الشكل بالفعل كون انقاس
اعوج مشي الابره وحجيه معدل
گلب الهيل اسود لچن طيب حيل
والشوچ ابيض گلب بس يلچم السنبل
من إدنك مو نقص لا عندي حسبه بهاي
لو دنگ قلم كل الجهل ينذل
وكلام البـ الگفه يعليني احس مرات
بگفه الدلة الجمر يچويها بس تعدل