شبكة نحر

عن لسان حال السيده زينب(ع)
( شبكَة نحر )
اخوتي السيرو للحك توابيت
هلا بملكه الحرب من تجبل صفاح
موش اعله الجتف رادو يسيرون
توابيت الاخوتي تصير الرماح
مشو روس وعلو لو كلهم شلون
هيبه وعالرمح ما اضنهه تلاح
هلي سرجو بختهم من يغيرون
ملكه الموت عدهم صفكة جناح
دمهم طك ضوه بوجه السراديب
وخضر ثوره عالهندس لمن ساح
مناحرهم شمس ماجاسهه الليل
بالدم فرعت من الشمر صاح
اخوتي المو فقط بالدم يبصمون
للموت اعتقد بصمو بالارواح
راحتهم حرب حملوهه عالراح
راحت لله بيضه الروح ترتاح
نيتهم مثلهم لونهه الغيم
كصصهم بير منهه الماي ما شاح
هلي طاحو لجن طيحتهم وكوف
اعله روس رماح وكفو والشمر طاح
هلي بعين الله وادم كلش كبار
عيون الشام صلفه و كلش وكاح
هلي والينتخيهم هدوو نحور
هلي شبكة نحر لحلوك السلاح
هلي رجفو رجيف كبال السيوف
وتغير لونهم والموت جن لاح
نعم رجفو لجن مو رجفة الخوف
رجفة عاشك لمحبوبه لو راح
احتاموو لله اخوتي وشافو الباب
لذلك دم هلي لملكه الله مفتاح