خيانة صديق

ماصاحب خنيث ابوجها ميت لون .
ولا امشي وي صاحب يختل بظلة .
الصاحب كون يعرف قيمة الصحبان .
وبوكت الشديدة ايطيح الك كلة .
اذا بوكت النفاهة اتشوفة طيب ذات.
وبوكت الزعل بي ميت الف خلة .
لسانه اتشوفة ينكط عسل بالطيبات.
بس بفعالة كلي اشأخذ وشخلة .
الماعندة ثقه بروحة يثق اشلون .
لكيت بروحة بس ابليس يغزلة .
عايش على الكالة وكالت النسوان
وعايش على افلان اشكال وشكلة .
شنو الخوة حطب تحتازة بجويريد .
تتدفة علة اخوك بروحة تشعلة .
ومن يكضي البرد .خليت اخوك ارماد .
يطاير بثاث وقصدك اتذلة
ترة طبع العنب جي عالي هل ذموه
بس ياهو ؟ اليجيب ويترس السلة.
لكل علة سبب والسبب واضح حيل
بس اني الوحيد الاعرف العلة
عاشرتك عمر مو سنة ولاسنتين .
ثلث من عمري راح الصحبة مو سهلة .
وانت العشرة عندك مثل شربت ماي .
تستنكف حضرتك!!!!!......... بابي تندلة .
ماطخ راس الك ماطول بيك الصوج .
وتعرف زين ذنبك تعرف الزلة .
مو زلة لسان الفعل مامضوم .
من نبرة ضحكتك ادري تتبلة .
من شوفت جهرتك دحط عين بعين .
اقره الحجي الماصخ بيك واتعلة
معكودات كلهن عكد مال استاد.
بس تدري العكد بس اني الي يفلة.
سرك امنيتة وتدري بية اشلون .
من تفضح بروحك كلبك اتعلة .
راجع نفسك انت القلق بيك ايزود .
ترة الدربة بعيد الزوم يوصلة .
وانه ابن المضايف والحجي المعسول .
وروح انشد الكمكم وانشد الدلة .
وانه الجنت اسولف وانت تسمع دووم .
وانه الجنت اكبل وانت التجلة .
وانه البشديدة تكلي عفية اعليك .
بس انت اخوي وغيرهم ولة .
وما اكلك ابو العريف !!!!يا عريف!! .
انه الزود اهلة و طيبتة وكلة .
تحياتي لكم
رياض الجبوري